кӏэлъыплъын

АДЫГЭБЗЭ (КЪЭБЭРДЕЙ-ШЭРДЖЭСЫБЗЭ)

ПСАЛЪЭ ЛЪЭПКЪЫГЪУЭ: ГЛАГОЛ ЛЪЭМЫӀЭС

КЪЭПСЭЛЪЫКӀЭ

• IPA [tʹʂɐɬǝ'pɬǝn]

ПСАЛЪЭ ЛЪАБЖЬЭ

• кӀэлъы- + [плъ] + -ы + -н

СПРЯЖЕНЭ

Глагол лъэмыӏэс "кӏэлъыплъын"-ым и спряженэр

МЫХЬЭНЭ

1. Зыгуэрым и ужьымкӀэ плъэн, и ужь иплъэн.
2. Зыгуэрым гъэхуауэ еплъын.
3. Къэхутэн, щыгъуазэ зыщӀын, зэгъэщӀэн, джын.
4. Зыгуэрым къалэн хуэщӀэн, зыгуэр зехьэн.

ЩАПХЪЭХЭР

• Ӏэнкуну къэна щӀалэр зы дакъикъэ хуэдизкӀэ кӀэлъыплъащ губжьауэ гъуэгум ирикӀуэ хъыджэбз пкъыфӀэм. Къущхьэ СулътӀан
• Уа, нобэ лъандэм сыпкӀэлъоплъри уи закъуэщ, псэлъэгъу уиӀэкъым, — жиӀащ щӀалэм. ХьэхъупащӀэ Хьэжбэчыр
• Судым и лэжьыгъэм абы щхьэкӀэ къагъэкӀуа урыс чиновникыр кӀэлъыплъырт. Нэгумэ Шорэ
• [Испым:] — Иджы си хъыджэбз, сэ сожьэ, псынщӀэу къэзгъэзэжынщ, сыкъэкӀуэжыхункӀэ нарт хьэщӀэ лъапӀэм кӀэлъыплъ, зыми ущымысхьу сыт и щӀыскӀи и Ӏуэхур гъэтэрэз. Нартхэр

Зэреджэ тхылъхэм къраха щапхъэхэр

Адыгэбзэ, Гугъуэт Л. Т., Зэхъуэхъу Л. Хь,	«Эльбрус» тхылъ тедзапӀэ, Налшык, 1984	нап. 98
адыгэбзэ	урысыбзэ/русский	инджылыбзэ/English
Мэзым докӀуэри къэкӀыгъэхэм дакӀэлъоплъ.	Мы ходим в лес и наблюдаем за растениями.	We go to the forest and observe plants.
		нап. 106
Самихь чыцӀ цӀыкӀум кӀэлъоплъ.	Самихь ухаживает за маленьким козлёнком.	Samikh looks after the baby goat.
		нап. 111
Сэ мамэ зэрыдэм сыкӀэлъоплъ.	Я наблюдаю за тем, как мама шьёт.	I watch Mama sew.

ПСАЛЪЭ ЗЭПХАХЭР

• Сымаджэм кӀэлъыплъын.

НЭГЪУЭЩӀЫБЗЭКӀЭ ЗЭДЗЭКӀАХЭР

ИНДЖЫЛЫБЗЭ

• кӏэлъыплъын: 1. follow sb with your eyes, watch sb from behind 2. watch sb, attentively follow or monitor sb, observe sb. 3. study sth, familiarise yourself with sth 4. look after sb or sth, take care of sb or sth
• Сымаджэм кӀэлъыплъын: look after a sick person

УРЫСЫБЗЭ

• кӏэлъыплъын: 1. смотреть вслед кому-чему-л. 2. наблюдать, внимательно следить за кем-чем-л. 3. изучать что-л., знакомиться с чем-л. 4. ухаживать, присматривать за кем-чем-л., заботиться о ком-чём-л.
• Сымаджэм кӀэлъыплъын: ухаживать, смотреть за больным

БИБЛИОГРАФИЕ

Библиографием еплъын